1310 Oktober 24. Breslau

Die Herzöge Boleslaw und Heinrich setzen die Handelsstrasse von Breslau nach Neisse als über Brieg führend fest.

In nomine domini amen. Cum per subditorum locupletacionem nobis condigne conaolacionis remedium augeatur, igitur nos Bolezlaus et Heinricus dei gracia duces Slesie et Oppavie , domini Wratizlavienses et de Lignicz, cupientes nostre civitatis in Brega inyare remediis virorum nostrorum votivo consilio accedente proinde statuimus precise volentes, ut currus quales cunque merces vel mercimonia portantes, qui de civitati Olavia versus Nyzam ire voluerint, per Bregam civitatem nostram transire tenebuntur, nec liceat eisdem curribus per stratas aliunde ducentes aliqualiter pertransire. Item statuimus, quod currus de Schurgast vel de Lewin in nostram terram ire volentes per predictam civitatem nostram Bregam transire debeant nec per scratas aut vias alias ire audeant, per quas dictam civitatem Bregam possint effugere vel vitare. Quod per provinciales advocatos nostrarum civitatum in Brega , Grotkow et Olavia stricte prohiberi precipimus et caveri, Quicunque vero nostris statutis presumserit obviare, preter inpignorationem et occupacionem, quam ipso facto incurret, nostram indignacionem se noverit incursurum. Volumus eciam, quod currus de Nyza versus Wratislaviam transeuntes per ipsam Bregam transeant, si penis et preceptis astringi noluerint prenotatis. Insuper nos predicte civitatis in Brega comodum attendentes eidem. ut stateram plumbi vel cupri habeat, indulgemus et concedimus in hiis scriptis, in qua quidem ponderacione nichil nobis oneris reservamus. Ut autem hanc nostram constitucionem nullus in posterum audeatinmutare, presenti carte nostrum sigillum duximus appendendum, presentibus nostris fidelibus: Friczcone de Waldow, Alberto Barth, Conrado de Porsnicz et fratre suo Jemkino, Conrado pincerna, Johanne de Schiltberch et Gunthero nostro protonotario. Datum Wratislavie a° dom. M°CCC°X°, sabato proximo ante festum apostolorum Symonis et Jude.

An grünen und rothen Seidenfäden das Siegel Boleslaws mit der Umschrift: S. BOLEZLAI DI GRA DUCIS SLE DNI WRAT ET DE LIGNICZ.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 9, Urkunden der Stadt Brieg. Urkundliche und chronikalische nachrichten über die Stadt Brieg, die dortigen Klöster, die Stadt- und Stiftsgüter bis zum Jahre 1550. Hrsg Dr. C. Grünhagen, Breslau 1870.